Oiartzun Irratiaren 25 urteko ibilbidea ospatu eta 2025. urtea indartsu hasteko, aurkezpen ekitaldi berezi bat antolatu dugu: Oiartzun Irratia Ga-La.

Gure ateak iriki nahi ditugu eta herritar guztiei Oiartzun Irratia zabaldu, herriko irratia herritarren bozgoragailu izan dadin.

Zuzeneko irratsaio baten itsura izango duen ekitaldi honetan, programazio berria ezagutarazi, kolaboratzaileak aurkeztu, musikarekin alaitu eta herriko komunitatearekin tarte atsegin bat pasa nahiko genuke. Gainera, Oiartzun Irratian ohikoa den moduan, Lehiaketarako tartea ere izango da eta herriko establezimenduek eskainitako sari mundialak egongo dira bertaratzen direnen artean zozketatzeko.

Etorri Oiartzun Irratia gertutik ezagutzera!

Oiartzun Irratia, urrutira jo gabe!

ANTOLATZAILEA: Oiartzun Irratia